Мы стамiлiся (на белорусском языке)

Начало книги

Мы одобряем линию его.

Уладзiмiр Высоцкi.

Мы стамiлiся.

Мы стамiлiся ад дасягнутых пад кiраўнiцтвам партыi велiчных посьпехаў у ажыцьцяўленьнi велiчных iдэяў.

Мы стамiлiся ад нашых маштабных дасягненьняў у Харчовай праграме, пасьля якiх есьцi робiцца ўсё меней i меней.

Мы стамiлiся ад усенароднай барацьбы з п'янствам i алкагалiзмам, у вынiку якой на месцы вiнаграднiкаў пасадзiлi бульбу й iншыя культуры, што там не растуць, айчынная самагонная тэхнiка перасягнула ўзровень японскiх стандартаў, а алкаголiкi, выпiўшы ўсе ласьёны, ужо чакаюць нас у лепшым сьвеце.

Мы стамiлiся ад шырока разгорнутага сацыялiстычнага спаборнiцтва, калi ад несьвядомае каровы, якая не канспэктавала твораў клясыкаў, трэба атрымаць малака болей, чым яна можа даць, а iдэалягiчна непадкаваная кура-нясушка канае, ня справiўшыся з падвышанымi сустрэчнымi абавязацельствамi.

Мы стамiлiся бясконца перавыконваць народнагаспадарчы плян i думаць, што лепей было б, каб мы яго нiколi не перавыконвалi, а хоць адзiн раз проста выканалi.

Читать дальше →