La negxa blovado

Начало книги

La titolo de la rusa originalo: Tradukis el la rusa Antoni Grabowski en 1888 Kompostis, enpagxigis kaj komentis: Aleksander Korjxenkov Kontrolis: Halina Gorecka

Pusxkin, Aleksandr Sergejevicx. La negxa blovado: Novelo / Tradukis el la rusa Antoni Grabowski; Komentis Aleksander Korjxenkov. - Jekaterinburg: Sezonoj, 1993. - 16 p. - (Literatura suplemento al La Ondo de Esperanto).

En la fino de l' jaro 1811a, en epoko al ni memorinda, vivis en sia vilagxo Nenaradovo la bona Gavrilo Gavrilovicx R. Li glorigxis en la tuta cxirkauxajxo pro gastamo kaj koreco; la najbaroj cxiuminute veturadis al li por mangxi, trinki, ludi kun lia edzino Praskovja Petrovna po kvin kopekoj je l' bostono; kaj kelkaj el ili - por rigardi ilian filineton Marion Gavrilovna'n, gracian, palan kaj deksepjaran junulinon. Sxi estis rigardata kiel ricxa frauxlino, kaj multaj antauxdecidis sxin por si aux por siaj filoj.

Mario Gavrilovna estis edukita sur francaj romanoj kaj tial kompreneble jam amanta. La objekto, elektita de sxi, estis malricxa oficiro, kiu sin trovis forpermese en sia vilagxeto. Estas kompreneble per si mem, ke la juna homo brulis egale per ama fajro, kaj ke la gepatroj de lia amata, sciigxinte ilian duflankan amon, malpermesis la filinon ecx pensi pri li, kaj lin ricevadis pli malbone ol eksigitan juran alsidanton.

Читать дальше →