Sur la Vojo de Svan

Начало книги

‚Reserĉe al la Perdita Tempo’ estas vasta romano, kiun Marselo Prust (franclingve Marcel Proust) komencis en 1907, 36-jaraĝa kaj ĉesigis en 1922, kiam li mortis.

En 1913 kun la publikigo de la unua volumo estis anoncita plano en tri partoj. Post la unua mondmilito en 1915 ĝi jam estis kvin-parta. Dum la sekva verkado ĝi fine vastiĝis al sep-parta tuto. La eldonado okazis de 1913 ĝis 1927, ankoraŭ post la morto de la aŭtoro, kiu do ne finredaktis la lastajn partojn.

Verkospeco

Per sia mi-persona prezento ‚Reserĉe al la Perdita Tempo’ forme similas al vivrakonto de la aŭtoro, sed esploroj montris, ke la vivo de la tielnomata rakontanto de la verko ne egalas al la vivo de M. Prust. Diversaj malnetoj kaj unu nefinita pra-romano ‚jean santeuil’ enhavas rekoneblajn scenojn kun aliaj nomoj, aliaj cirkonstancoj aŭ detaloj, ol troveblas en la definitiva teksto, kaj granda nombro da personoj, vilaĝoj, urboj – inkluzive de la hejma vilaĝo Kombreo kaj de la feriejo Balbek – estas plene fikciaj. ili kompreneble tamen dependas je la travivoj kaj historia medio de la aŭtoro, kaj kritikistoj insiste enketis pri la realaj fontoj de tiuj fikciaĵoj, kiuj ofte impresas tre reale.

Читать дальше →